A.C.I.S.A. REPARTIRÁ 550 EUROS EN PREMIOS NO VII CONCURSO FOTOGRÁFICO DÍA DO PAI, QUE SE DESENVOLVERÁ DO 3 AO 19 DE MARZO
A.C.I.S.A. repartirá 550 euros en premios no VII Concurso Fotográfico Día do Pai, que terá lugar do 3 ao 19 de marzo. Poderase participar en dúas modalidades: redes sociais e vía postal.
Segundo recollen as bases, que se atopan máis abaixo, en Facebook e nas oficinas de A.C.I.S.A., “a participación na modalidade postal, co envío da fotografía impresa, impide automaticamente a participación na modalidade en redes.
Os traballos presentados non puideron ser publicados previamente en revistas, xornais, libros ou nas redes e tampouco puideron ser obxecto de ningún outro premio fotográfico. As fotos elixidas deben ter unha resolución de 2 mpx para a súa posterior impresión e exposición”.
Na modalidade de redes sociais as imáxenes deben subirse á páxina do facebook de A.C.I.S.A. mediante a app que estará operativa desde hoxe venres. O prazo máximo de envío físico e dixital será ata as 00:00 horas do día 19 de marzo.
Do 3 ao 19 de marzo efectuarase a votación popular en Facebook que dará lugar ao premio do público, dotado con 100 euros en vales de compra para gastar nos establecementos asociados.
O xurado do VII Concurso Fotográfico Día do Pai reunirase o 20 de marzo pola mañá para elixir ás fotos gañadoras. O primeiro premio estará dotado con 200 euros en vales de compra de A.C.I.S.A., ao segundo premio corresponderanlle 150 euros en vales de compra e ao terceiro premio 100 euros en vales de compra de A.C.I.S.A.
Desde A.C.I.S.A. subliñan que as fotografías premiadas e as presentadas poderán ser utilizadas nas diferentes plataformas de difusión da asociación, co único obxecto de promocionar a fase participativa do concurso.
Descargar bases VII Concurso Fotográfico Día do Pai en formato PDF (387KB)
