17.7 C
Ribadeo
27 Junio 2017

Recunchos de Ribadeo

Achégase o IV Ribadeo Indiano e con ese motivo Acisa e Concello convidan á cidadanía a embelecer a vila adornando con flores ou plantas os seus balcóns ou fachadas. Acisa pide a colaboración dos seus asociados e o Concello engalanará algúns edificios públicos. O alcalde, Fernando Suárez, a concelleira de Turismo, Ana Martínez, o presidente de Acisa, David Martínez, e o xerente desta asociación, Jesús Pérez, presentaron a iniciativa esta mañá.

Os prezos arden

Os 35 establecementos participantes ofrecerán descontos e promocións especiais. Desde a directiva de Acisa explican que “os clientes deste comercios poderán atopar ofertas 2 x 1, a segunda unidade á metade de prezo e descontos que oscilarán entre o 20 e o 50% ou tamén descontos do IVE”.

Xogamos con A.C.I.S.A. | Obradoiro de consumo no comercio local

Un grupo de nenos e nenas, con idades comprendidas entre os 6 e os 12 anos, participaron nesta calorosa mañá de domingo en Ribadeo no obradoiro de consumo no comercio local, organizado por A.C.I.S.A. Ribadeo.

Chegan os Días Azuis do comercio galego a Ribadeo

Chegan os Días Azuis do comercio galego a Ribadeo do 16 ao 30 de xuño. Trátase dunha iniciativa da Federación Galega de Comercio e da Xunta de Galicia en colaboración coas federacións provinciais, asociacións de comerciantes e centros comercias abertos de toda a comunidade á que se suman A.C.I.S.A. e o Centro Comercial Aberto de Ribadeo.

Xogamos con A.C.I.S.A. | Obradoiro de consumo no comercio local

A Asociación de Industriais, Comerciantes e Autónomos (A.C.I.S.A.) organiza en Ribadeo un obradoiro de consumo no comercio local dirixido aos máis novos. Esta actividade que se desenvolverá baixo o lema Xogamos con ACISA, terá lugar os días 17 e 18 de xuño. Con ela A.C.I.S.A. continúa coa súa campaña de promoción do comercio local na que está a traballar estas semanas buscando a fidelización dos clientes nos establecementos asociados.

Un novo traballador se incorporou a A.C.I.S.A. Ribadeo

O programa Ben Empregado 3 da Deputación Provincial de Lugo posibilitou a incorporación dun traballador durante un ano (do 1 de xuño de 2017 ao 31 de maio de 2018) á Asociación de Comerciantes, Industriais, Servizos e Autónomos de Ribadeo.