Acisa celebra o día da nai regalando dúas xoias valoradas en 100 euros cada unha. A campaña, que arrinca hoxe, prolongarase ata o 5 de maio. Aquelas persoas que fagan as súas compras nos establecementos asociados recibirán papeletas para participar nesta nova cita co comercio de Ribadeo.
Acisa fai un balance moi positivo da Semana Santa. A asociación ribadense destaca a ocupación hoteleira e o movemento rexistrado nos hoteis, nos restaurantes e tamén no comercio ao longo destes días.
Grazas ás xestións realizadas pola Asociación de Comerciantes, Industriais, Servizos e Autónomos de Ribadeo os establecementos hostaleiros asociados a este colectivo disporán dunha hora máis de apertura sobre a súa licenza durante esta Semana Santa, concretamente nas madrugadas desde o día 13 ata o 21 de abril.
A.C.I.S.A. Ribadeo impartira o próximo día 25 de abril un curso de redes sociais para empresas. Trátase dunha actividade gratuíta, aberta a todo o público interesado.
No Concello presentouse este mediodía a moeda local, Pancha de Ribadeo. No acto participaron representantes municipais, de Acisa e de ABANCA. Trátase dunha campaña que se desenvolverá do 5 de abril ao 5 de maio nos comercios adheridos á mesma. Cada cliente poderá cambiar, na oficina de ABANCA en Ribadeo, 30 euros por 30 panchas para gastar no comercio local e a maiores recibirá 10 panchas máis como agasallo. O valor das 40 panchas é de 40 euros.
Todo está listo para a celebración da VIII Gala de Acisa, que terá lugar este venres, día 22, no Parador de Turismo de Ribadeo. Trátase dunha cita especial porque supón a conmemoración do 30 aniversario de creación da asociación e a entrega dos galardóns a toda unha carreira a catro coñecidos empresarios, que se xubilaron nos últimos meses
Este sitio web utiliza cookies para que tengas la mejor experiencia de usuario. Si continúas navegando estás dando tu consentimiento para la aceptación de las mencionadas cookies y la aceptación de nuestra política de cookies